ازاي تتعلم اي لغة برمجة بسهولة

ازاي تتعلم اي لغة برمجة بسهولة 

واحدة من اهم الحاجات اللي لازم تكون في بالك ان البرمجة مش زي اي مادة بتدرسها في الكلية ليها منهج ثابت او انك هتتعلمها لما تقعد تعمل نفس البرامج اللي موجودة علي النت بس
البرمجة هي "مجموعة من الانشطة اللي محتاجة ممارسة زي الفهم والتطوير وكتابة وتعديل الخورازميات عشان تحقق مهمات جديدة غير اللي موجودة 

عشان تتعلم برمجة لازم يكون عندك حماس ودافع انك تتعلمها وتكون مهتم فعلا بيها مش مجرد انها تريند وماشين وراة  

لو مستعد تتعلم مهارات جديدة وتكتسب معرفة مختلفة فالمقال ده هيساعدك تتعلم اي لغة برمجة

1. اختار اللغة المناسبة لطموحك 
   لغات البرمجة كتيرة جدا وكل واحدة ليها وظيفتها الخاصة لغات زي python , Java ,SQL فاول مهمه ليك هي انك تحدد طموحك وانت عايز تعمل اية بالبرمجة عشان تختار اللغة المناسبة.
2. خليك تنين في الاساسيات 
   
   اغلب الناس بتاخد لفة سريعة علي الاساسيات وبتنقل بسرعة علي مواضيع متقدمة متخيلين ان ده بيضيع وقتهم الثمين وبعد كدا بينصدمو لما يقف قدامهم مشكلة حلها الوحيد في الفهم العميق للاساسيات ويرجعو يتعلمو الموضوع من الاول واللي بياخد وقت ومجهود اكبر وممكن يستسلمو في نص الطريق  ف "خد الاساسيات علي محمل الجد". 
3. اختار Tools المناسبة 
   
   الTools زي البرمجيات اللي بنستخدمها في تصميم البرامج وكتابة الاكواد عليها وتنفيذها حاجات زي  compiler / Text Editor / Debugger فاختيارك الصح لادوات اللي هتشتغل عليها هيوفر عليك وقت ومجهود كبير جدا  وحاليا بقي موجود IDE واللي بتجمع اغلب Tools دي ومتوفرة لكل لغات البرمجة. 
4. حرب تكتب اكواد وانت وبتتعلم 
   
   اوعي تكون من اللي بيقعدو يسندو ظهرهم علي الكرسي ويتفرجو علي الفيديوهات او يقرا كتاب من غير ما يجربو كل كلمة بتتقال وكل سطر بيتشرح علي امل انك هتطبق بعدين, ده هيخليك لما تيجي تشتغل مجبر تذاكر من الاول لانك مش هتكون فاكر كل حاجة يعني هتاخد وقت اطول ومجهود اكتر. "جرب وانت بتتعلم" 
5. نوع في مصادرك واسئل غيرك 
   
   لو انت بتتعلم من موقع معين وفي حاجة وقفت معاك او مش فاهمها كويس دور علي موقع تاني او مصدر تاني تتعلم منة وفي مواقع كتير بتتيح ليك تسال المبرمجين الاكثر خبرة من كل حتة في العالم استغلها كويس.
6. كود لسبب 
   
   البرمجة بتحتاج وقت طويل وصبر كبير عشان تتعلمها وتكون محترف فيها فلو انت مفكر انك هتتعلمها في اسبوع راجع نفسك تاني , فانت محتاج دافع قوي يخليك مكمل فيها وعايز تتعلمها عشان متقفش في النص وترجع. 
7. شارك واعمل مشاريع وقابل تحديات 
   
   في مسابقات كتير للمبرمجين سواء مبتدئيين او محترفين حاول تشارك فيها هتعلمك كتير جدا غير انك لازم تشتغل علي مشاريع وتشوف تحديات كتير وتقابل مشاكل اكتر وتحلها خبرتك هتيجي من كمية المشاكل اللي بتحلها

في النهاية حابب اقولك ان الطريق رغم صعوبتة الا ان اخرة نجاح كبير ومستوي مادي واجتماعي مرم

لو عجبك المقال اعملة share ومستني اي تعليق او سؤال منكم 

Ahmed Shelbaya