Arduino Course

يعني اية اردوينو Arduino 

الاردوينو هو حاجة زي كمبيوتر صغير.  مفتوح المصدر (أي شخص يمكن ان يستخدمه ويعدل علية). مصمم عشان يخلي تعلم واستخدام البرمجة والالكترونيات أكثر سهولة ومتعة. هو مناسب لكل الاعمار بداية من 10 سنين ولكل من يهوي صناعة الأشياء بنفسه مهما اختلف مستوي خبرته. يمتلك الاردوينو الالاف من الاستخدامات.

ممكن نستخدم الاردوينو في اننا نعمل حاجات تحكم في العالم الواقعي عن طريق انها تاخد المعلومات من العالم المحيط بنا من خلال الحساسات Sensors والمفاتيح Switches ويستجيب لهذه المعلومات عن طريق خرج من نوعا ما زي المواتير وشاشات العرض LCD او ك LED وغيرها. ممكن أن يكون تحكم بسيط زي اننا نشغل لمبة ونطفيها أو معقد زي اننا نحديد مكان فرد في مكان ما ، يمكن اعتبار الاردوينو على أنه "عقل" للأنظمة التي نقوم بتصميمها يستقبل البيانات ويحللها وينظمها ويستجيب لها.

ان كلمة اردوينو في المطلق لا تعني فقط اللوحة الزرقاء الصغيرة وانما تعني كل ما يتعلق بتلك اللوحة من لغة برمجة والبرنامج المخصص لها وحتى بيئة العمل. 

ان أشهر تلك اللوحات على الاطلاق هو ما يعرف باسم Arduino Uno والتي نتعرف على تفاصيلها ومكونتها تاليا.

تفاصيل بوردة الاردوينو اونو Arduino UNO

• زر اعادة التشغيل Rest Button ← يقوم باعادة تشغيل البرنامج الجالي ويجعلة يبدا من جديد 

• مدخل اليواس بي USB Port ← يستخدم في نقل الكود من الكمبيوتر الي الاردوينو كما يعمل كمصدر للطاقة

• منظم الجهد Voltage Regulator ← يستخدم في تحويل اي فولت داخل علي الاردوينو ل 5 فولت اللي بيحتاجهم علي يشتغل ( في الغالب الجهد الداخل ده بيكون من 7 ل 12 فولت )
  
• مدخل الطاقة Power Port ← يستخدم في امداد الاردوينو بالطاقة مباشرة عن طريق اي فيشة باستخدام adapter مناسب او عن طريق البطاريات باستخدام Battery Clip مناسب.
  
• اللمبات المثبتة Built in LED ← كل لمبة حسب اسمها فهنلاقي RX-TX بيستخدمو كدليل علي ارسال واستقبال البيانات ( ركز وانت بتنزل الكود علي الاردوينو هتلاقيم بينور ويطفو بسرعة).
  كمان في اللي متوصلة بالرجل رقم 13 واللي مكتوب تحتها حرف L  ودي عشان لو عايز تجرب الاردوينو من غير ماتوصل معاه اي حاجة.
  
• مداخل الطاقة Power Pin ← ودي برضو حسب الكلمة اللي جنبها فهنلاقي اننا عندنا 2 GND و عندنا واحدة بس 5V واللي تعتبر اكتر مصدر طاقة بنعتد علية
  
• رجول الدخل والخرج الرقمية Digital I/O Pin ← دي اهم حاجة في الاردوينو لانها هي اللي بنوصل عليها كل حاجة هي اللي بنوصل عليها الحساسات الليدات المواتير اي حاجة بتعامل معاها وتكون بتشتغل Digital يبقي هوصلها هنا. وليها احتمالين ممكن تكون دخل او خرج ممكن اطلع من عليها كهربا او اديلها كهربا. وهي ارقامها من 0:13
  
• رجول الدخل الانالوج Analog Input ← هي تقريبا ليها نفس مهام Digital Pin لكن دي كمان بتقدر تحس وتقرا القيم الانالوج بس بتقراها بس لكن معرفش اطلع قيم انالوج. وهي ارقامها من A0 :A5 

بعد ما اتعرفنا علي اجزاء الاردوينو وشكل اللوحة واغلب المكونات عليها

في المقال الجاي هنتكلم عن البرنامج وشكلة وبيتكون من اية 

اعمل Share لو عجبك ولو عندك سؤال اسئله انا موجود ^^